Президент Мамлекеттик ипотекалык компания бул баага болжол менен $250 кошорун, натыйжада батирлер жарандарга $950 баасында сатыларын белгиледи. Бул ипотека 25 жылга чейин баштапкы төлөмсүз 4% жана 8% жылдык пайыздык ставкасымен сунушталат, бул өлкөдөгү инфляция деңгээлинен төмөн экенин Жапаров белгиледи.
Ал $250 суммасынын ипотека мөөнөтү ичинде инфляцияны толук жаба албастыгын жана 50% инфляциялык чыгымдарды да калыбына келтирбестигин баса белгиледи. Муну менен катар, мамлекет турак жайды элге жеткиликтүү кылуу үчүн мындай шарттарды кабыл алууда.
Мындан тышкары, президент жарандар жеке куруучулардан турак жай сатып алса, бир чарчы метрдин баасы жок дегенде $1 500 болорун белгиледи. Ошол эле учурда, мамлекеттик ипотека программасы кыйла пайдалуу шарттарды сунуштайт.
Жапаров региондордо курулуш баалары жогору экенин — бир чарчы метр үчүн болжол менен $750 түзөрүн, бул курулуш материалдарын ташуу, эмгек акы жана инфраструктураны өнүктүрүү боюнча кошумча чыгымдар менен байланыштуу экенин кошумчалады.
Президент коомчулукту ипотекалык батирлердин баасын түзүү системасына түшүнүү менен мамиле кылууга чакырып, бардык эсептөөлөр мамлекеттин узак мөөнөттүү милдеттенмелерин эске алуу менен алдын ала жүргүзүлөрүн белгиледи.
