Бул мыйзамга ылайык, 2026-жылдын 1-январынан баштап, аталган тармактагы ишканалар ар бир кызматкер үчүн орточо айлык эмгек акынын 40%ынан 12% өлчөмүндө камсыздандыруу жарнасын төлөшөт. Бул сумма 2 115,5 сомго туура келет. Мындан тышкары, киреше салыгы орточо айлык эмгек акынын 1%ын түзөт, бул 440,7 сомду түзөт. Натыйжада, бир кызматкер үчүн жалпы салык төлөмдөрүнүн суммасы 2 556,2 сомду түзөт.
2026-жылы өлкөдөгү орточо айлык эмгек акы 44 070 сомду түзөөрү белгиленет.
Бул өзгөртүүлөр жергиликтүү өндүрүүчүлөрдү колдоого, салык жүгүн азайтууга, салык администрациясын оптималдаштырууга, ошондой эле өндүрүш кубаттарын өнүктүрүү, товарлардын ички жана тышкы рыноктордогу атаандаштыкка жөндөмдүүлүгүн жогорулатуу, эмгек жумушчу күчүн стимулдаштыруу жана тармактын экспорттук потенциалын жогорулатуу үчүн шарттарды түзүүгө багытталган.
