Президент баса белгиледи, экономикалык көлөм үч эсе өскөн
Республикалык жыйында Президент Садыр Жапаров 2025-жылдын жыйынтыгы боюнча өлкөнүн валовой ички продуктусу (ВВП) 22,6 миллиард доллардан ашканын билдирди.
Ал 2020-жылы ВВП 8,3 миллиард долларды түзгөнүн, 2025-жылга чейин бул көрсөткүч дээрлик үч эсе өскөнүн белгиледи.
«Беш жылдын ичинде салык түшүүлөрү төрт эсе, бажы жыйымдары алты эсе, ал эми салыктык эмес кирешелер дээрлик тогуз эсе өстү. 2021-жылы консолидделген бюджет 313 миллиард сомду түзсө, 2025-жылы 1 триллион 100 миллиард сомдон ашты. Бул 3,5 эсе өсүүнү көрсөтөт. Мындай жыйынтыктарды өлкө тарыхында эч качан жетишкен эмес», — деди президент.
