Бишкектеги ЦАРЭС бизнес-форумунда Кыргызстандын экономика жана соода министри Бакыт Сыдыков Өзбекстандын инвестиция, өнөр жай жана соода министри Лазиз Кудратов менен жолугушту.
Жолугушууда кыргыз-өзбек экономикалык кызматташтыгынын учурдагы абалы жана келечеги талкууланды. Эки мамлекеттин башчылары тарабынан коюлган максат — өз ара сооданы 2 миллиард долларга жеткирүү боюнча негизги көңүл бурулду.
Тараптар ошондой эле бизнес байланыштарды кеңейтүү жана инвестициялык өз ара аракеттешүүнү жакшыртууга багытталган биргелешкен иш-чараларга даярдыкты талкуулашты. Мындан тышкары, өнөр жай, транспорт логистикасы, айыл чарба жана энергетика сыяктуу тармактардагы келечектеги долбоорлор каралды.
