Кыргызстандын президентинин алдындагы Улуттук инвестиция агенттигинин вице-президенти Мээримбек Койчуманов кытай компанияларынын өкүлдөрү менен жолугушту, деп билдирет расмий булак.
Иш-чарага Nanjing Huayuan Cultural Technology Development Co., Ltd., Tianshan Investment жана Silk Road Construction сыяктуу уюмдардын жетекчилери катышты.
Кеңешүүнүн негизги темасы Кыргызстанга инвестиция тартуу боюнча кызматташуу мүмкүнчүлүктөрү болду. Айрыкча, өлкөнүн инвестициялык долбоорлорун Кытайда, анын ичинде "Асман" шаарын долбоорун сунуштоо мүмкүнчүлүгү талкууланды.
Ошондой эле жолугушуунун катышуучулары Кытайдан потенциалдуу инвесторлорду тартуу жолдорун жана инвестициялык кызматташтыкты бекемдөө үчүн биргелешип иштөө ыкмаларын талкуулашты.
Жолугушуунун жыйынтыгында тараптар өз ара аракеттешүүнү улантууга жана инвестиция тармагында кызматташуу боюнча келишимге кол коюу мүмкүнчүлүгүн изилдөөгө макул болушту.
