НАИнын сүрөтү
Талкуу учурунда тараптар Токмок шаарын да камтыган шаардык жана социалдык инфраструктураны модернизациялоого багытталган бир катар инвестициялык демилгелерди карашты. Талкууга алынган долбоорлордун ичинен төмөнкүлөрдү белгилеп өтсө болот:
- экологиялык таза технологияларды жана интеллектуалдык башкаруу системаларын колдонуу менен туруктуу шаардык чөйрөнү түзүүнү камтыган «Глобалдык экологиялык шаар» демилгеси;
- бизнес-процесстерди жана электрондук сооданы интеграциялоого багытталган заманбап экосистеманы түзүүнү көздөгөн «Санариптик инновациялык электрондук соода платформасы» долбоору;
- транспорт системаларынын натыйжалуулугун жана коопсуздугун жогорулатуу үчүн санариптик чечимдерди киргизүүнү караган «Интеллектуалдык шаардык коомдук транспорт системасы» долбоорунун иштелип чыгышы;
- телемедицина жана санариптик башкаруу технологияларын киргизүү менен заманбап медициналык кластерлерди түзүүгө багытталган «акылдуу медициналык шаарларды» куруу демилгеси.
Переговорлордун натыйжасында Улуттук инвестициялар агенттиги менен кытайлык өнөктөштөр арасында технологиялык өз ара аракеттенүүнү өнүктүрүү жана биргелешкен долбоорлорду ишке ашыруу максатында кызматташуу боюнча меморандумга кол коюлду.
