Ош облусунда жайгашкан Араван районунун аграрлары биринчи Пекин капустасын жыйноого киришти, бул тууралуу Су ресурстары, айыл чарба жана кайра иштетүү өнөр жайы министрлиги маалымдады.
Фермерлер 30 гектар аянтка төрт түрдөгү капустаны отургузушту. Учурда «Босай» деп аталган эң эрте сорт жыйналууда, бул сорт жогорку сапаты менен айырмаланат — бир кочондун салмагы 1ден 3 килограммга чейин жетет.
Агроөндүрүшчүлөр Россияга 45 тоннага жакын жаңы капустаны экспортко жөнөтүштү. Фермерлер 2026-жылга чейин жалпы түшүмдүн көлөмү 450 тоннага жетет деп күтүшүүдө, жана бул продукциянын маанилүү бөлүгү тышкы рынокторго жөнөтүлөт.
