Turmush агенттигинин кабарчысы берген маалыматка ылайык, ачылыштын алкагында коноктор жаңы имаратта экскурсия өткөрүштү. Аларга окуу класстары жана кошумча иш-чараларды өткөрүү мүмкүнчүлүктөрү көрсөтүлдү. Иш-чаранын программасында окуучулардын жандуу чыгыштары да орун алды:
- «Манас» эпосунан үзүндү;
- комузда музыка;
- Ч. Айтматовдун «Саманчынын жолу» чыгармасынан Толгонайдын монологу.
Мындан тышкары, мектеп окуучулары үчүн ар түрдүү кружоктор жана спорт секциялары сунушталды:
- бий;
- робототехника;
- шахмат;
- тогуз коргоол;
- волейбол;
- футбол;
- карате-до;
- настольный теннис.
Окуучулар тарабынан уюштурулган концерттик программа майрамга кубаныч атмосферасын кошуп, бардык катышуучуларда унутулгус таасир калтырды.