Бул жыйында «Эмгек» партиясынан депутат Эмир Марлисбеков бюджеттик арыз менен бекитилген долбоордун ортосундагы шайкешсиздикке көңүл бурду. Ал суралган сумма 866 млн 566 миң сомду түзгөнүн, ал эми бюджет долбоорунда болгону 851 млн 566 миң сом каралганын билдирди. Вице-мэр Виктория Мозгачева интерактивдүү панелдерди сатып алууга байланыштуу кыскартуу болгонун тактады.
Башында 100 интерактивдүү панел сатып алуу пландалган, бирок акырында болгону 30 панел бекитилген. В. Мозгачева билдиргендей, бир панелдин баасы 128 миң сом. Билим берүү департаменти 2026-жылга 30 панел үчүн арыз берди жана дагы 70 панелди кошумча сатып алууну өтүндү.
Рахат Мусаева интерактивдүү панелдер мектептерге берилерин, арыздарга жараша бөлүштүрүлөрүн белгиледи. Панелдердин райондор боюнча бөлүштүрүлүшү тууралуу суроого ал кийинчерээк маалымат берүүгө убада берди.
Мындан тышкары, депутат Э. Марлисбеков Октябрь районунун мектептерин интерактивдүү такталар менен камсыздоонун зарылдыгын белгилеп, кошумча 70 панелди сатып алууну бюджетке киргизүүнү сунуштады.
Ал ошондой эле 10-11-класстын окуучулары үчүн жол кыймылынын эрежелери боюнча курсуна киргизүүнү сунуштады. Вице-мэр Мозгачева өкмөттүн чечимине ылайык, бүтүрүүчүлөр үчүн унаа айдоону үйрөнүү жалпы билим берүү программасында каралганын жооп берди.
