Бул маалыматты Ош шаардык билим берүү башкармалыгынын начальниги Тынчтыкбек Досмуратов тастыктады.
Анын айтымында, эски имарат толугу менен бузулат, анын ордуна заманбап мектеп курулат.
«Биз ата-энелер менен жолугушуу өткөрдүк, кырдаалды түшүндүрүү үчүн. Окуучуларды башка окуу жайларга өткөрүү мүмкүн болбогондуктан, убактылуу онлайн форматта билим берүүнү уюштурууну чечтик», - деп кошумчалады ал.
Дамир Калыкбердиевдин маалыматына ылайык, жаңы мектеп үч кабаттуу болуп, 1000 окуучуну кабыл ала алат.
«Учурда эски имаратты бузуу процесси жүрүп жатат. Биз курулуш компанияларынын бирөө менен кызматташып жатабыз. Азыр проекттик-сметалык документация такталууда. Каржылоо республикалык бюджеттен жүргүзүлөт. Эгер баары ийгиликтүү өтсө, жаңы мектеп ушул окуу жылында ачылат», - деп белгиледи Т. Калыкбердиев.
