Финнадзор тарабынан берилген маалыматка ылайык, «БАРСБЕК БАТЫРАЛИЕВ» YouTube каналына катышуу шарттары жана сыйлык фонду тууралуу маалымат камтылган видеороликтер жайгаштырылган, ошондой эле жарандардан акча чогултуу жүргүзүлүүдө.
2025-жылдын 25-октябрында @BarsbekBatiraliev расмий каналында жарыяланган видеороликте автор Кыргыз Республикасынын Ички иштер министрлигинин кызматкерлери тарабынан Россия Федерациясында кармалганын жана мыйзамсыз лотереялык ишмердүүлүккө байланыштуу түшүндүрүү иштеринин жүргүзүлүп жатканын маалымдаган. Бул кайрылууда катышуучуларга 2025-жылдын 31-октябрына чейин акча кайтарылары жана мындай розыгрыштарды өткөрбөө ниети айтылган.
Анткен менен, Финнадзор ошондой эле бул адамдын мыйзамсыз лотереялар тууралуу маалыматтарды жарыялоо үчүн мурда колдонулган башка аккаунтунда – @barsbekbatraliev3 YouTube каналында – өткөрүлүүчү розыгрыштар тууралуу маалымат камтылган видеороликтердин чыгуусу улантылып жатканын аныктады, анда өткөрүү даталары өзгөртүлгөн.
Финнадзор экинчи канал жана мындай материалдардын жайгаштырылышы боюнча маалыматтар Кыргыз Республикасынын Ички иштер министрлиги менен биргеликте такталып жатканын билдирет.
