Бүгүн Кыргыз Республикасынын экология жана техникалык көзөмөл министри Медер Машиев IV Элдик курултайдын катышуучуларын кабыл алууну баштады.
Министрликтин маалыматына ылайык, иш-чара учурунда жарандардан 33 кайрылуу түшкөн. Көтөрүлгөн маселелердин кээ бирлери ошол жерде каралса, калган маселелер тереңирээк изилдөө жана ишке ашыруу үчүн контролго алынды. Жарандардын сунуштары жана пикирлери министрликтин ишинде приоритеттүү болуп калууда.
Көтөрүлгөн маселелердин арасында канализациялык сууларды тазалоо, кен казуу ишин лицензиялоо, катуу калдыктар үчүн полигондорду түзүү жана экологиялык коопсуздукту камсыз кылуу темалары бар.
«Министрдин жеке контролундагы бардык маселелер учурдагы мыйзамдарга ылайык каралат жана тиешелүү мамлекеттик органдардын колдоосу менен зарыл чаралар көрүлөт. Жарандарга көрсөтүлгөн даректер боюнча жооптор жөнөтүлөт», - деп белгиленди ведомстводо.
Эскерте кетсек, бүгүн IV Элдик курултайдын делегаттарын кабыл алуу башталды, ал Т. Абдумомунов атындагы Кыргыз мамлекеттик академиялык драма театрында өтүүдө.
