Жыйындын күн тартибинде мыйзамдуулукту сактоо, кызматтык тартип жана кызматкерлер арасында коррупциялык көрүнүштөрдү алдын алуу боюнча маселелер, ошондой эле региондо өткөрүлгөн «Арсенал» рейдинин жыйынтыктары жана санариптештирүүнүн натыйжалары каралды.
Жыйындын жыйынтыгы боюнча Абдырахманов мыйзамдуулукту жана тартипти сактоону күчөтүү, жарандар үчүн кызмат көрсөтүү сапатын жогорулатуу, санариптештирүүнү өнүктүрүү жана тейленген участкаларда заманбап байкоо камераларын орнотуу боюнча максаттарды белгиледи.
Ал ошондой эле катталган курал-жарак жана ок-дарыларды текшерүүнү күчөтүү, коомдук тартипти камсыздоо, кылмыштуулукка каршы күрөштү активдештирүү, укук бузуулар жана үй-бүлөлүк зомбулук боюнча профилактикалык иштерди жүргүзүү, ошондой эле Жол кырсыктарын азайтуу, наркотик кылмыштуулугуна каршы күрөшүү жана жаштар арасында кылмыштуулукту алдын алуу боюнча чараларды көрүүнү тапшырды.
