Жыйында талкууланган маанилүү багыттардын бири мурда берилген тапшырмаларды аткаруу жана мамлекеттик компаниялардын эл аралык финансылык рынокторго чыгууга даярдыгын баалоо болду. Алдыңкы компаниялардын жетекчилери өздөрүнүн финансылык көрсөткүчтөрү тууралуу актуалдуу маалыматтарды сунуштап, жергиликтүү жана чет өлкөлүк инвестицияларды тартуу боюнча стратегиялык пландар менен бөлүшүштү.
Данияр Амангельдиев биринчи жолу жумушчу топтун жыйыны өткөндөн бери көп иштер жасалганын белгиледи. Ал алдыңкы мамлекеттик компаниялардын финансылык натыйжаларын терең талдоо жүргүзүлгөнүн жана алардын эл аралык рынокторго чыгууга мүмкүнчүлүктөрү менен даярдыгы изилденгенин баса белгиледи. Айрым уюмдар конкреттүү сунуштар жана презентациялар менен чыгып, бул өлкөнүн инвестициялык имиджин бекемдөөгө жана мамлекеттик активдерди башкаруунун натыйжалуулугун жогорулатууга маанилүү кадам болуп саналат.
Жыйынды жыйынтыктап, ал мамлекеттик ишканалардын менеджментинин алдында учурдагы башкаруунун чегинен ашкан амбициялуу максаттар турганына көңүл бурду. Амангельдиев Кыргызстанды глобалдык финансылык рыноктордо ачык жана келечектүү катышуучу катары бекемдөөгө жардам бере турган масштабдуу имидждик долбоорлорду ишке ашырууга чакырды. Ал жаңы башкаруу деңгээлине өтүү эл аралык инвестициялык коомчулук үчүн маанилүү сигнал болоорун кошумчалады.
Жыйынды жыйынтыктап, күн тартибиндеги бардык маселелер сунуштар жана пикирлер эске алынып талкууланды. Ошондой эле, ички компанияларды эл аралык финансылык инструменттер менен иштүүгө даярдоо боюнча кийинки кадамдар аныкталды.
