Форумдун алкагында мамлекеттик структуралардын, эл аралык уюмдардын, финансылык мекемелердин жана бизнес коомчулуктун өкүлдөрү чогулуп, Чаткал районуна тиешелүү улуттук лейбл-пилотту ишке ашыруу жана климаттык финансирование механизмдери боюнча демилгелер талкууланды. Бул маалымат министрликтин расмий сайтында жарыяланды.
Иш-чаранын катышуучулары илимий-аналитикалык негиздемелер, сунушталган институционалдык лейбл-пилоттун модели жана Чаткал районунун экономикалык өнүгүү багыттары, анын ичинде энергетика, айыл чарба, кичи жана орто бизнес, туризм жана креативдик индустриялар менен таанышышты.
Форумда сүйлөгөн Медербек Туманов Чаткал району экотуризмдин маанилүү борбору, экологиялык таза айыл чарба продукциясын өндүрүүчү жана жашыл энергетика тармагында лидер болуу мүмкүнчүлүктөрүнө ээ экенин белгиледи.
Чаткал районунун акими Алтынбек Сенирбаев экотуризмдин келечектери жана жаңылануучу энергия булактарын пайдалануу боюнча көңүл бурду. Ал учурда 160 МВт кубаттуулуктагы гидроэлектр станциясын куруу боюнча иштер башталганын билдирди.
Форумдун негизги натыйжаларынын бири улуттук лейбл-пилотту баштоо жана климаттык финансирование инструменттерин киргизүү боюнча жалпы сунушту камтыган акыркы резолюциянын макулдашылышы болду.
Форум мамлекеттик структуралардын жана эл аралык өнөктөштөрдүн Чаткал районун Кыргыз Республикасындагы тоолуу аймактардын туруктуу өнүгүү модели катары өнүктүрүүгө болгон кызыгуусун көрсөттү.
