Кайрат Эркинович Турсункулов Кыргыз Республикасынын Тышкы иштер министрлигинин жамаатына жаңы орун басар министр катары тааныштырылды.
Жаңы дайындоону Кыргыз Республикасынын Министрлер Кабинетинин Төрагасы Адылбек Касымалиев жүргүздү.
Президенттин администрациясынын тышкы саясат бөлүмүнүн башчысы Сагынбек Абдумуталип Турсункуловдун кесиптик жөндөмдөрүн жана тажрыйбасын белгилеп, бул ага тапшырылган милдеттерди натыйжалуу башкарууга жана өлкөнүн эл аралык байланыштарын күчөтүүгө мүмкүндүк берерин айтты.
Жыйындын аягында С. Абдумуталип К. Турсункуловго жаңы кызматында ийгиликтүү жана натыйжалуу иштөө каалоосун билдирди.
Маалымат үчүн:
Кайрат Эркинович Турсункулов 1985-жылдын 23-майында туулган жана 2009-жылдан бери Кыргыз Республикасынын Тышкы иштер министрлигинин системасында стажердук кызматтан баштап, мамлекеттик протокол департаментинин директору кызматына чейин иштейт.
Ал ошондой эле Өкмөт Аппаратында жана Германия, Австрия жана Бельгиядагы чет өлкөлүк кызматтарда иштөө тажрыйбасына ээ.
1-класстагы Кеңешчи дипломатиялык рангына ээ жана англис жана немис тилдерин билет.
