Ал 2000-жылдын 18-сентябрында төрөлгөн жана үй-бүлөлүк адам.
«Мен үч баланын эң кичүүсүмүн: эки улуу эжем бар. Стоматолог катары үч жыл иштеп жатам. Бул көп эмес, бирок мен көп адамдарга жардам берүүгө жетиштим. КГМАнын стоматология факультетин аяктадым. Профессияны тандоом бала кезимден адамдарга жардам бергим келгендигим менен байланыштуу, ал эми атам менин дарыгер болуум керек деп айтып, мени шыктандырып келген», - дейт Темирболот.
Ал ошондой эле өзүнүн практикасынан кээ бир кызыктуу жана эсте калуучу учурларды бөлүштү:
«Бир жолу 35-40 жаштардагы аял мага сынган протезин оңдотуу үчүн келди. Мен бул иштин бир нече күндү аларын түшүндүрдүм, бирок ал: «Азыр эле жасаңыз, күйөөм мен протез тагып жүргөнүмдү билбейт» деп талап кылды. Бул окуя мага үй-бүлө ичинде да тиштердин ден соолугуна байланыштуу сырлар болушу мүмкүн экенин көрсөттү.»
Башка бир жолу аял кичинекей уулу менен тишин жулдуруу үчүн келди. Иш процессинде баланын энеси эсин жоготуп, мен кичинекей баланы четке алып чыгып, анын энесине жардам берүүгө туура келди. Чынында, бул абдан коркунучтуу болду», - деп эскерет ал.
Темирболот ошондой эле өзүнүн максаттары жана кызыгуулары тууралуу айтып берди:
«Менин келечекке амбициялуу пландарым бар. Мен медицинада өнүгүүнү улантып, ийгиликтүү иштөөнү каалайм. Медицина дайыма өнүгүп жаткандыктан, билим алуу зарылчылык. Менин приоритеттерим хирургиялык жана имплантациондук технологияларды үйрөнүү, ошондой эле заманбап стоматологиялык клиника ачуу. Мындан тышкары, мен бизнес менен алектенүүнү пландап жатам. Бош убактымда спорт менен, өзгөчө футбол менен алектенем».
