Бул маалыматтарды Turmushтун кабарчысы Иссык-Куль облустук Ички иштер башкармалыгына берген.
Учурда Каракол шаардык Ички иштер бөлүмүндө уюшкан кылмыштуу топтун мүчөлөрү катары катталган 18 жаран бар.
Бул адамдардын кылмыштарын алдын алуу боюнча өткөрүлгөн иш-чаралардын алкагында, 13-февралда кармалгандар шаардык ички иштер бөлүмүнө жеткирилди, анда алар менен түшүндүрүү иштерин жүргүзүштү.
Мындан тышкары, рейддик иш-чаралардын жүрүшүндө алынган оперативдик маалыматка негизделип, уюшкан кылмыштуу топтун мүчөлөрү катары катталган жарандардын үйлөрүндө Каракол шаардык соту тарабынан берилген уруксат менен тинтүү жүргүзүлдү.
Тинтүү жүргүзүлгөн А.А. аттуу, 1979-жылы туулган, Таш-Кыя айылында жашаган жарандын үйүнөн төмөнкү предметтер табылды:
- 1 даана «СКС» 7,62 мм калибриндеги ок атуучу курал;
- 1 даана «ТОЗ-8» ок атуучу курал;
- 39 даана 5,45 мм калибриндеги патрон;
- 27 даана 7,62 мм калибриндеги патрон;
- 2 куту патрону бар белгисиз маркадагы 1 пистолет;
- Белгисиз калибрдеги 15 травматикалык резинка;
- «ТОЗ-8» куралына 4 патрон;
- Гладкоствольное куралга 20 патрон;
- 2 бычак.
Бардык табылган предметтер алынган жана материалдык далилдер катары таанылган, зарыл болгон соттук экспертизалар дайындалган.
Учурда тергөө иштерин улантуу иштери жүрүп жатат.
