Бул маалыматты Ош шаардык мэриясынын юридикалык бөлүмүнүн башкы адиси Нурсултан Акылбек уулу билдирди.
«Соттун чечимине ылайык, №18 жана №20 бала бакчалары, «Айданек» бала бакчасы, ошондой эле Панфилов, Шевченко, С. Шарипов жана Киров атындагы мектептердин жер тилкелери мэриянын балансында кайтарылды. Ошондой эле Макаренко атындагы мектептин айланасындагы мыйзамсыз курулуштар боюнча соттук талаштар уланууда. Текшерүүлөрдүн натыйжасында 70 гектар жана 65 соток жер муниципалдык менчикке кайтарылды, азыр дагы 35 гектарды кайтаруу боюнча чаралар көрүлүүдө», — деди ал.
Мэриянын басма сөз кызматынан маалым болгондой, мектептердин айланасындагы мыйзамсыз курулуштарды жоюу үчүн мөөнөт 1-мартка чейин белгиленген.
Текшерүүлөрдүн жүрүшүндө мэр Жеңишбек Токторбаев көптөгөн мыйзамсыз курулуштарды аныктады. Ал тиешелүү кызматтарга белгиленген мөөнөткө чейин билим берүү мекемелеринин айланасын мындай объектилерден тазалоо боюнча көрсөтмө берди.
Аныкталган объектилердин саны:
Горький атындагы №8 мектептин айланасында — 3 объект;
Макаренко атындагы №6 мектептин айланасында — 5 объект;
Тажиматов атындагы №57 мектептин айланасында — 12 объект.
Бул объектилердин ээлерине тиешелүү эскертүүлөр берилди.
Мындан тышкары, Макаренко атындагы мектептин жанындагы «Капитал» банкынын имараты боюнча мурда соттук талаш жүргөн. Маалыматтар банк биринчи инстанцияда ишти утуп алганын жана бул объектти бузуу боюнча чечим чыкканын тастыктап турат.
Ошондой эле сот төмөнкү мекемелерге тиешелүү жер тилкелерин муниципалдык менчикке кайтарууну чечти:
А. С. Макаренко, Рудаки, Пушкин атындагы мектептер, №15 жана №3 бала бакчалары, Ош облустук балдар ооруканасы, Ош шаардык ооруканасы жана шаардык балдар инфекциялык ооруканасы.
Учурда башка социалдык объекттерди кайтаруу боюнча соттук талаштар уланууда.
