Евдокимов шоктук муздатуу ыкмасы азыктарды муздак аба жана атайын аэродинамикалык технологияларды колдонуу менен тез муздатууга негизделгенин түшүндүрдү.
«Шоктук муздатууда ультразвук колдонулбайт. Негизги принцип - муздатуунун жогорку ылдамдыгы жана температуранын азык боюнча бирдей бөлүштүрүлүшү. Ал эми акустикалык муздатуу физикалык ыкмаларды колдонуп, азык ичиндеги муз кристалдарынын пайда болушу процессин өзгөртүүгө багытталган», — деп кошумчалады ал.
Агрологистикалык компаниялардын биринин директору Турусбек Матиев, изилдөөлөр тез муздатуунун азыктардын сапатын сактоодогу натыйжалуулугун тастыктаганын белгиледи.
«Биз азыктын структурасынын сүрөтүн 170 микронго чейин чоңойттук жана тез муздатууда муз кристалдары кичинекей болуп, клетка структурасына зыян келтирбестигин аныктадык. Бул тыгыздыкты, структураны жана продукциянын жалпы сапатын сактоого жардам берет», — деп билдирди ал.
Матиев ошондой эле эки жыл бою ар кандай өлкөлөрдө сакталган муздатылган продукциянын салыштырмалуу сыноолорун өткөргөнүн эске салды. Натижалар, заманбап технологияларды колдонуп муздатылган азыктар сапат жана сактоо боюнча кыйла жакшы көрсөткүчтөрдү көрсөтүп жатканын көрсөттү.
