Энергетика министри Таалайбек Ибраев Но Сун Ён менен «Blue Networks» компаниясынын башкы директору менен жолугушуу өткөрдү.
Жолугушууда электр заряддоо станцияларын өнүктүрүү жана Кыргыз Республикасында заманбап энергетикалык технологияларды киргизүү боюнча актуалдуу маселелер жана кызматташуу мүмкүнчүлүктөрү талкууланды.
Маалыматка караганда, компания мурда Корея Республикасында 3500 заряддоо станциясын орнотуп, бул тармактагы квалификациясы жана тажрыйбасын көрсөтүүдө. Өз кезегинде, тараптар күн энергия станцияларын куруу жана жаңылануучу энергия булактарын өнүктүрүү боюнча кызматташууну кеңейтүүгө кызыктар экенин билдиришти.
Энергетика секторунун цифрлаштырылышына чоң көңүл бөлүндү. Компаниянын өкүлдөрү заряддоо инфраструктурасын башкаруу үчүн атайын программалык камсыздоо иштеп чыгуу боюнча маалымат беришти. Жолугушуунун жыйынтыгы боюнча Кыргыз Республикасынын Энергетика министрлигине системаны башкаруунун ачык жана натыйжалуу болушун камсыз кылуу үчүн кирүү ачкычтары жана логиндерди берүү боюнча макулдашууга жетишилди.
Кыргыз Республикасынын Энергетика министрлиги ишке ашырылып жаткан долбоорлордун стратегиялык маанисин, жашыл экономиканы илгерилетүү, инвестициялык тартымдылыкты жогорулатуу жана Кыргызстан менен Түштүк Кореянын ортосундагы өнөктөштүктү бекемдөө үчүн белгиледи.
Маалымат:
«Blue Networks Co., Ltd.» менен кызматташуу 2024-жылы башталган. 2024-жылдын августунда «Чакан ГЭС» ААКсы менен компаниянын ортосунда заряддоо станцияларын биргелешип даярдоо жана пайдалануусу боюнча өз ара түшүнүшүү меморандуму түзүлгөн.
2025-жылы Кыргыз Республикасында электр заряддоо станцияларын чогултуу жана орнотуу боюнча өндүрүш ишканасын түзүү боюнча Рамочное келишимге кол коюлган.
Бул келишимдердин алкагында «Рево Кей Джи» ОсОО биргелешкен ишканасы түзүлгөн, заряддоо станцияларын чогултуу заводу 2026-жылдын апрелинде ишке киргизилери пландалууда.
2026-жылдын июлунда корей компаниясы Кыргызстанда 300 заряддоо станциясын орнотот деген маалымат K-News сайтында биринчи жолу жарыяланды.
