Мурда Министрлер кабинети «Кыргыз спутник» ачык акционердик коомун түзүү боюнча чечимди бекиткен. Бул демилге космостук технологияларды табигый ресурстарды башкарууга интеграциялоого жана өлкөнүн экономикалык өнүгүүсүнө көмөктөшүүгө багытталган.
«Долбоордун негизги максаты аэрокосмостук маалыматтарды алуу жана колдонуу боюнча улуттук системаны түзүү. Бул жер пайдалануу, экологияны мониторингдөө, климаттын өзгөрүүлөрүн талдоо, пайдалы казындыларды изилдөө жана өзгөчө кырдаалдардын алдын алуу боюнча чечимдерди так жана ыкчам кабыл алууга мүмкүнчүлүк берет», - деп белгилешти ведомстводон.
КРнын Су ресурстары, айыл чарба жана кайра иштетүү өнөр жайы министрлиги жаңы компаниянын негиздөөчүсү жана жалгыз акционери болуп дайындалды. «Кыргыз спутник» инфраструктурасы Караколдо өнүктүрүлөт.
