Жолугушууда биргелешкен долбоорлор, заманбап технологияларды киргизүү жана мамлекеттик башкаруунун сапатын жогорулатуу жана өлкөдөгү экономикалык коопсуздукту күчөтүү үчүн тажрыйба алмашуу талкууланды.
КР президенттин администрациясынын сүрөтү.
Филипп Амон президентке экономикалык жана санариптик суверенитетти бекемдөөгө, ошондой эле башкаруунун ачыктыгын жана натыйжалуулугун жогорулатууга багытталган жаңы технологиялык чечимдер менен бөлүштү. Ал салык түшүүлөрүн жогорулатуу мүмкүнчүлүктөрүнө, администрирлөөнү жакшыртуу, көлөкө экономикасын азайтуу жана товар жүгүртүүнү көзөмөлдөөнү күчөтүү боюнча көңүл бурду.
КР президенттин администрациясынын сүрөтү.
Тараптарга мындай технологияларды киргизүү экономикалык коопсуздукту бекемдөөгө гана эмес, мыйзамсыз ишмердүүлүккө каршы күрөшүүгө жана мамлекеттик структуралардын натыйжалуулугун жогорулатууга да жардам берерин айтып беришти.
Жолугушуунун жыйынтыгында тараптар кызматташтыкты өнүктүрүүгө жана биргелешкен демилгелерди ишке ашырууга кызыкдар экендиктерин билдиришти.
КР президенттин администрациясынын сүрөтү.
Маалымат
SICPA SA — контрабанда жана контрафакттык продукция менен күрөшүүгө, ошондой эле салык төлөөдөн качууну алдын алууга жардам берүүчү мониторинг жана көзөмөл технологияларына адистешкен Швейцариянын алдыңкы компанияларынын бири. 1927-жылы негизделген компания банкноттор үчүн коргоочу боёктор жана товарларды белгилөө, аутентификациялоо жана көзөмөлдөө боюнча чечимдердин дүйнөлүк лидери болуп саналат.
