2-декабрда Бишкекте «Digital CASA – Кыргыз Республикасы» долбоорунун жыйынтыктарына арналган акыркы иш-чара өттү. Санариптештирүү министрлигинен билдиришкендей, жолугушуунун негизги максаты долбоордун жыйынтыктарын чыгаруу, санарип инфраструктурасындагы маанилүү жетишкендиктерди көрсөтүү жана өлкөнүн санарип трансформациясы боюнча келечектеги пландарды талкуулоо болгон.
Долбоорду ишке ашыруу процессинде бир нече негизги натыйжаларга жетишилди:
- Санарип байланыш. 3500 километрден ашык оптикалык кабелдер тартылып, 3800дөн ашык социалдык объектилерге туташтырылды жана алыскы аймактарда интернетке жетүүнү жакшыртууга мүмкүнчүлүк түзүлдү.
- Булут технологиялары. Малыматтарды иштетүү жана сактоо үчүн мамлекеттик G-Cloud булут инфраструктурасы түзүлдү, ошондой эле региондук маалыматтарды иштетүү борборлорун өнүктүрүү жана мамлекеттик органдар үчүн акылдуу чечимдерди киргизүү башталды.
- Юридикалык база. Кыргыз Республикасынын Санариптик кодекси иштелип чыгып, киргизилди, бул санариптик инициативаларды туруктуу өнүктүрүү жана жаңы технологияларды киргизүү үчүн юридикалык, уюштуруу жана нормативдик негиздерди түздү.
