Жаңы жабдуулардын жалпы баасы 11 496 902,13 сомду түзөт. Комплектке стабилизатору бар жарык лампа, операциялык микроскоп, тонометр, автоматтык кератометр, офтальмология үчүн ультрадыбыстык аппарат, линзалар, офтальмологдор үчүн комплект, көз айнектери жана көздү текшерүү үчүн таблицалар кирет. Бардык жабдуулар жеткирилген жана орнотулган.
Долбоордун ишке ашырылышы мурда өлкөнүн түштүк аймактарына багытталган болсо, эми көңүлдү Таласты да камтыган түндүк райондорго бурулат.
Бул долбоордун алкагында офтальмологдор Казакстанда жана Непалда окутуудан өтүштү, бул жаңы жабдуулар аркылуу жүргүзүлгөн операциялардын сапатын кыйла жакшыртууга мүмкүндүк берди. Долбоордун ишке ашырылышы 2028-жылга чейин улантылат жана көз ооруларынын алдын алуу жана дарылоо боюнча иш-чараларды камтыйт.
