Бишкек шаарындагы ден соолукту чыңдоо борборунун дарыгерлери Кыргызстандын тургундарын грипп жана жугуштуу жогорку дем алуу жолдорунун инфекциялары (ОРВИ) мезгилиндеги маанилүү сактануу чараларына көңүл бурууга чакырышты.
Грипп — бул дем алуу жолдорунун жугуштуу оорусу, ал вирус тарабынан пайда болот жана жеңил симптомдордон баштап оор кыйынчылыктарга чейин ар кандай формада пайда болушу мүмкүн. Адистердин айтымында, вирус аба аркылуу жана башка адамдар тарабынан колдонулган буюмдар, мисалы, эшиктин туткалары, телефондор жана акча аркылуу жугат.
Ооруу адатта бир нече күнгө созулат, бирок кээ бир учурларда олуттуу кесепеттерге алып келиши мүмкүн, айрыкча хрникалык оорулары бар адамдарда, алардын оорусу курчуп кетиши мүмкүн.
Оору жугузуу тобокелдигин азайтуу үчүн, оорулуулардын саны көбөйгөн мезгилде сунушталат:
- адам көп жыйналган жерлерден жана оорулулар менен байланыштан качуу;
- активдүү жана ден соолукка пайдалуу жашоо образын кармоо: физикалык активдүүлүк менен алектенүү, туура тамактануу, тамеки жана алкогольдон баш тартуу;
- сууктап калуудан сактануу;
- эмгек жана эс алуу режимин сактоо;
- көп учурда таза абада болуу;
- бөлмөлөрдү желдетүү жана туруктуу түрдө нымдуу тазалоо жүргүзүү;
- жеке гигиенаны сактоо: колду жуу, антисептиктерди колдонуу жана маска кийүү;
- жөтөлгөндө жана чүчкүргөндө оозду жана мурунду кездемеге же локтко жаап алуу;
- рационго С витаминине бай азыктарды киргизүү;
- жетиштүү көлөмдө суюктукту ичүү;
- гриппке каршы вакцинация жүргүзүү.
Эгер сизде оорунун симптомдору байкалса, анда:
- үйдө калуу жана коомдук жерлерге баруудан качуу;
- ооруган адамды үй-бүлөнүн башка мүчөлөрүнөн, айрыкча балдардан, боюнда бар аялдардан жана карылардан изоляциялоого аракет кылуу;
- дарыгерге кайрылып, анын сунуштарына так ылайык иш алып баруу.
