Швейцария Дональд Трампка люкс белектерди тапшыргандан кийин АКШдагы импорттук бажы салыктарын кыйла төмөндөтүүгө жетишти. Бул тууралуу Axios порталы маалымдады.
Маалыматка ылайык, Вашингтонго швейцариялык бизнесмендердин делегациясы жөнөтүлүп, президентке бир килограмм салмактагы алтын куйма жана Rolex маркасындагы саат белек кылышкан. Куймада «45» жана «47» деген сандар оймо-чиймеленген, бул Трамптын президенттик кызматтагы эки мөөнөтүн символдойт.
Мурда АКШнын соода өкүлү Джеймисон Грир Швейцария үчүн бажы салыктарын 39% дан 15% га чейин төмөндөтүү тууралуу маалымдаган. Бул жооп катары швейцариялык тарап Трамптын президенттик мөөнөтү аяктаганга чейин америкалык экономикага 200 миллиард доллар инвестициялоого макул болгон.
