Жаңы нормаларга ылайык, 18 жашка чыккан мигрант балдар өлкөдөн 30 күндүн ичинде чыгып кетүүгө же өз патентин алууга милдеттүү.
Мындан тышкары, эмгек мигранттары азыр өздөрүнө гана эмес, Россияда болгон бардык иждивенчилерине да туруктуу аванс салыгын төлөөгө милдеттүү.
Эгер мигрант өзүнүн кирешелери тууралуу маалымат бербесе же алардын суммасы регионалдык коэффициентке ылайык жашоо минимумунан төмөн болсо, анын патенти же жумушка уруксаты жокко чыгарылат.
Ошондой эле убактылуу жашоого уруксат же жашоого укук алган чет элдиктер үчүн талаптарды катуураак кылуу сунушталууда. Эгер алар жылына он айдан аз иштесе, мындай документтер берилбейт же жокко чыгарылышы мүмкүн.
Госдуманын спикери Вячеслав Володин жыйында «эки мыйзам долбооруна кошумча, азыркы учурда талкууланып жаткан дагы төрт долбоор бар» деп белгиледи.
