1981-жылы туулган эркек киши 2025-жылдын 21-июнунда милицияга кайрылган. Ал январь айынын аягында белгисиз адамдар анын батирине алдамчылык жолу менен ээлик кылып, менчик укугун өздөрүнө өткөрүп, кийинчерээк үчүнчү жактарга сатып жибергенин айтты.
Алдамчылык аракеттеринен келген жалпы зыян 80 миң долларды түзүп, бул учурдагы курс боюнча 6 991 200 сомго барабар.
Бул окуя боюнча Кыргыз Республикасынын Кылмыш кодексинин 209-беренеси "Алдамчылык" боюнча кылмыш иши козголду.
Оперативдүү-издөө иш-чараларынын натыйжасында укук коргоо органдары шектүүлөрдү аныктоого жетишти: 1995-жылы туулган И.А. жана 1994-жылы туулган М.Э. Алар убактылуу кармоо жайына жайгаштырылды.
Тергөө уланууда.
