13-февралда Аконкагуа чокусунда (Аргентина) биринчи жолу Кыргызстандын желеги желбиреди. Бул тууралуу 25-февралда өзүнүн Facebook баракчасында отандык ишкер Эдуард Кубатов билдирди.
Альпинисттик экспедициянын курамында болгон Эдуард Кубатов Аконкагуа чокусуна чыгуу жана түшүү үчүн 16 күн убакыт коротту. Жалпысынан альпинисттер 86 чакырымды басып өтүштү.
"Аконкагуа чокусу, аргентиналыктар өздөрү сүйүп атагандай, Азиядан тышкары планетанын эң бийик ноктосу, жана алар бул тууралуу так айтат", - деп жазат Кубатов. - "Мен 15 жогорку класстагы альпинисттен турган эл аралык экспедициянын курамында чыгууга катыштым, бирок чокусуна жетүүгө болгону экөөбүзгө мүмкүн болду: мен жана белгилүү австралиялык альпинист Рой Уэллс".
Кыргызстандык альпинист чокусуна жетүү жолу классикалык - батыш - маршрут боюнча эмес, андан да кыйын - чыгыш - маршрут боюнча өткөнүн белгиледи.
"Менин арнам, чыгуу жана түшүү маршруту боюнча мен портерлердин (альпинисттерди коштоп жүргөн адамдар, жүк көтөрүүгө жардам берген шерпалар) жана жүк ташуучу транспорттун жардамысыз, 17 килограмм альпинисттик жабдыгымды өзүм көтөрүп өттүм", - деп сыймыктануу менен бөлүштү Кубатов.
Ишкер өзүнүн чыгышын Кыргызстанга, ошондой эле Улуу Ата Мекендик согуштагы Жеңиштин 70 жылдыгына жана согуштун ардагерлерине арнаганын баса белгиледи.
"Биздин баарыбызга мүмкүн болот, мен ишенем. Бизге дагы бир аз күч-аракет керек, өзүн-өзү камсыздаган, өнүккөн жана бакубат өлкөдө жашоо үчүн. Ошондой эле менин бир тууганым Айтбекке, анын бир туугандык сүйүүсү, түшүнүгү жана өзгөрбөс колдоосу бул чыгыштарды мүмкүн кылат", - деп жазды Эдуард Кубатов.
Источник: vb.kg
