Анын айтымында, Кыргызстандык жарандар Tunduk тиркемесин колдонуп, мамлекеттик документтерин, мисалы, айдоочулук күбөлүктөрүн, электрондук түрдө көрсөтө алышат. Бул документтер пластик аналогдору менен бирдей юридикалык күчкө ээ болот.
Алмаз Райымбеков ошондой эле учурда Tunduk'ту Казакстанда ишке киргизүү боюнча сүйлөшүүлөр улантылып жатканын кошумчалады. Негизги максат — эки өлкөнүн жарандары үчүн мамлекеттик кызматтарга жеткиликтүүлүктү жеңилдетүү жана Евразия аймагында бирдиктүү санариптик кызматтарды түзүү.
