Кыргызстан жаңы азык-түлүк жардамын алды, деп билдиришти БУУнун Азык-түлүк программасынан.
Бишкек жана Ошко 1 147 тоннадан ашык азык-түлүк товарлары жеткирилди. «Бул жардам өлкө боюнча осал үй-бүлөлөргө коомдук инфраструктураны калыбына келтирүү, климаттын өзгөрүшүнө адаптациялоо жана билим берүү мекемелеринде ысык тамак-аш берүү боюнча долбоорлор аркылуу жардам берет», - деп айтылат расмий билдирүүдө.
Азык-түлүк коопсуздугун жогорулатуу максатында, БУУнун Азык-түлүк программасы тарабынан колдоого алынган инициативаларга катышкан 4 600 үй-бүлөгө байытылган ун жана өсүмдүк майы берилет. Бул долбоорлор сугат системаларын жана ичүүчү суу менен камсыздоону калыбына келтирүү, дарактарды отургузуу жана дарыялардын жээгин бекемдөө менен тобокелдиктерди азайтуу, ошондой эле кырсыктарга туруштук берүүнү жогорулатуу жана заманбап айыл чарба практикаларын киргизүү боюнча окутууларды камтыйт.
Программага киргизилген осал үй-бүлөлөр 300 кг байытылган ун жана 30 литр май алышат, бул коомдук инфраструктураны калыбына келтирүү жана климаттын өзгөрүшүнүн кесепетине туруштук берүү боюнча долбоорлорго катышуу үчүн. Потенциалды жогорулатуу боюнча тренингдерге катышкан адамдар 150 кг байытылган ун жана 15 литр май менен камсыздалат.
