Маданият министрлигинин басма сөз кызматы билдиргендей, талкуу учурунда медиа контентин түзүү, аналитикалык материалдарды иштеп чыгуу, ошондой эле документалдык жана билим берүү программаларын өндүрүү сыяктуу тармактарда кызматташуу мүмкүнчүлүктөрүнө басым жасалды. Ошондой эле санариптик технологиялар, жасалма интеллект жана фактчеккинг боюнча маселелер каралды.
Переговорлордун маанилүү аспектилеринин бири адистерди окутуу жана эки өлкөнүн медиа академиялары арасында тажрыйба алмашуу болду.
Тараптар ОТГнын алкагында биргелешкен медиа хабын түзүү жана глобалдык кыргыз-турк медиа платформасын өнүктүрүү боюнча макулдашышты.
Жолугушуунун натыйжасында медиа кызматташтыгын жогорулатууга, контент жана технологиялар алмашууну көбөйтүүгө, ошондой эле ачык жана ишенимдүү маалыматтык чөйрөнү түзүүгө даярдык билдирилди.
