Кыргыз Республикасынын Жол кыймылынын коопсуздугун камсыздоо башкы башкармалыгында кызматкерлердин күнүмдүк ишин өзгөртүп жаткан санариптик технологияларды киргизүү жөнүндө айтып беришти.
Маалыматка ылайык, башкармалыктын кызматкерлери кызматтык муктаждыктар үчүн берилген боди-камераларды колдонууга киришти. Бул система кызматкерлердин коопсуздугун жогорулатууга, жарандар менен өз ара аракеттенүүнүн ачыктыгын жакшыртууга, мыйзамдуулукту бекемдөөгө жана кызматтык иштин сапатын жогорулатууга багытталган.
Боди-камералар кызматкерлердин кызматтык милдеттерин аткаруу учурунда үзгүлтүксүз иштейт. Ар бир камера белгилүү бир кызматкерге байланган жана борбордук мониторинг пунктуна туташтырылган, бул онлайн режиминде байкоо жүргүзүүгө мүмкүнчүлүк берет. Видеотасмалар реалдуу убакытта көзөмөлдөнөт, бул кийлигишүүнү талап кылган кырдаалдарга ыкчам жооп берүүгө мүмкүндүк берет.
Кырсык же мыйзамдуу талаптарды бузуу учурларында жооптуу кызматтар ыкчам жооп берип, маселени чечүү боюнча көрсөтмөлөрдү берип же кошумча экипаждарды жөнөтө алышат. Мындан тышкары, боди-камерадагы өзгөчө чакыруу баскычы кызматкерге дароо байланыш түзүүгө жана жардам сураууга мүмкүндүк берет», - деп айтылат билдирүүдө.
Бул системаны киргизүү Жол кыймылынын коопсуздугун камсыздоо башкы башкармалыгынын санариптештирүү процессинин маанилүү бөлүгү болуп саналат жана жарандардын кызматкерлердин ишине болгон ишенимин жогорулатууга жардам берет.
