Россия Федерациясынын президенти Владимир Путиндин кызы Мария Воронцова Москва мамлекеттик университетинин Михаил Ломоносов атындагы медициналык илимий-образовательный институтунун (МНОИ) директору болуп дайындалды, деп билдирет «Дождь» Telegram-каналында.
МНОИ «интеграцияланган илимий-образовательный кластер» болуп саналат, ал фундаменталдык медицина факультетин, регенеративдик медицина борборун жана МГУнун университеттик клиникасын камтыйт.
Фундаменталдык медицина факультетинин сайтында университеттин башкаруу курамын жаңыртууга жана жаш адистерди колдоого багытталган кадрдык саясатты активдүү жүргүзүп жатканы белгиленет.
2022-жылдан 2024-жылга чейин Воронцова факультетте илим боюнча декандын орун басары болуп кызмат өтөгөн, ал эми 2024-жылдан 2025-жылга чейин МНОИнин илим боюнча директордун орун басары кызматын аркалаган.
Быйылкы жайда ал Санкт-Петербургдун эл аралык экономикалык форумунда адам мүмкүнчүлүктөрүн жакшыртууга арналган доклад менен чыгып сүйлөдү.
