Башкы прокурордун орун басары Үмүткан Конкубаева бул мыйзам долбоору соттолгон адамдарды экстрадициялоонун юридикалык негизин түзөрүн, аларга өз мекенинде жазасын өтөөгө мүмкүнчүлүк берерин белгиледи.
Ал ошондой эле Монголияда жашаган кыргызстандыктар арасында түзөтүү мекемелеринде отургандар жок экенин, бирок өлкөдө Кыргызстандын 50 чамалуу жараны жашап жатканын кошумчалады. Өз кезегинде, Кыргызстанда учурда эки Монголия жараны жазасын өтөп жатат: алардын бири 8 жылга, экинчиси 7 жылга соттолгон. Конкубаева бул кылмыштар оор кылмыштар катары квалификацияланганын тактады.
