Кара-Суй районунда учурда 2026-жылдагы сугат мезгилине даярдык көрүү иштери жүргүзүлүүдө. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Ведомствонун маалыматына ылайык, региондо бардык сугат каналдарын тазалоо, калыбына келтирүү жана оңдоо иштеринин жүргүзүлүүдө. Суу агымына тоскоол болгон чүпүрөктөр жана башка калдыктар жээктерден алынып, өткөрүү жөндөмүн жогорулатуу үчүн атайын техника колдонулууда.
Мындан тышкары, каналдардын жээгинде мыйзамсыз курулган имараттарды бузуу жана суу коргоо зоналарын бошотуу үчүн дарактарды кесүү иштери жүргүзүлүүдө. Ошондой эле, жакынкы аймактарды тазалоо иштери жүргүзүлүүдө. Параллелдүү түрдө гидротехникалык курулмаларды текшерүү жүргүзүлүп, эскирген элементтер оңдолуп, зарыл болгон жерлерде жаңылоо иштерин жүргүзүү пландалууда.
