Айыл өкмөтүнөн маалымдагандай, Чыгыш көчөсүндө ичүүчү суу камсыздоо системасын оңдоо иштеринин жүргүзүлүп жатат. Мурда социалдык тармактарда тургундар үйлөрүнө кирип жаткан кир суу тууралуу билдиришкен.
Айыл өкмөтүндө билдиришкендей, суу түтүгүн жаңылоодо подрядчиктер кездешип калган түтүктүн бөлүгүн бузуп алышкан. Бузуулар эртеси күнү таңга жуук жоюлган. Жөндөөлөр жүргүзүлгөнгө чейин бузулган жерден кир суу агып кетиши мүмкүн эле, бирок азыркы учурда бул маселени чечишти.
Азыркы учурда долбоордун алкагында айылдык аймакта 10,6 км суу түтүктөрүн оңдоо иштери Алма-Атинская көчөсүндө жана 3,5 км суу түтүктөрүн реконструкциялоо иштери Чыгыш көчөсүндө улантылууда.
Айыл өкмөтүнүн маалыматына ылайык, подряддык уюмдар ОсОО «Шеф-Монтаж» жана ОсОО «Агат-Кг» бардык керектүү материалдарды мамлекеттик жана экологиялык экспертизадан өткөн долбоорлорго ылайык сатып алышкан. Иштерди аяктоо мөөнөтү 2026-жылдын 1-майына чейин белгиленген.
Ленинское айылындагы башка кошуна көчөлөрдө бар болгон суу түтүк линиясын муниципалдык ишкана «Ынтымак-Достук» жүргүзөт, ал керектүү техника жана жабдууларга ээ.
Юстиция министрлигинин маалыматына ылайык, ОсОО «Шеф-монтаж» жетекчиси Узенбаев Замирбек Таалайбекович, негиздөөчүсү - Шамбетова Назик Зарлыковна. ОсОО 2007-жылдын 22-февралында катталган, ал эми 2018-жылдын 10-сентябрында кайра каттоо процедурасынан өткөн. Негизги ишмердүүлүгү - турак жай жана турак эмес имараттарды куруу.
Министрликтин базасында ОсОО «Агат КГ-строй» бар. Компания 2014-жылдын 28-октябрында катталган. Жетекчиси жана негиздөөчүсү Бапов Абдибали Сайдакматович.
Негизги ишмердүүлүгү - турак жай жана турак эмес имараттарды куруу.
