Министрликте тажрыйба алмашуу үчүн онлайн-жыйын өттү
Кыргыз Республикасынын Саламаттык сактоо министрлиги уюштурган онлайн-жыйын, Германия, АКШ, Улуу Британия, Россия жана Жакынкы Чыгыштагы ар кандай өлкөлөрдө иштеп жаткан кыргыз медициналык адистерин чогултту. Иш-чара министрдин орун басарлары Бакытбек Кадыралиев жана Темирбек Эркиновдун жетекчилиги астында өттү, деп билдиришти ведомствонун басма сөз кызматы.
Жыйналыштын негизги максаты профессионалдык тажрыйба алмашуу, эл аралык медициналык практикаларды, кадрларды даярдоону жана саламаттык сактоо системасын цифрлаштырууну талкуулоо, ошондой эле чет өлкөлөрдө иштеп жаткан мекендештердин Кыргызстандагы саламаттык сактоону өнүктүрүүгө катышуу мүмкүнчүлүктөрүн карап чыгуу болду.
Адистер алдыңкы медициналык мекемелердеги иш тажрыйбалары менен бөлүшүп, отандык саламаттык сактоону жакшыртуу үчүн идеяларды сунушташты. Заманауи технологияларды (бронхоскопия жана NGS-диагностика киргизүү), процесстерди цифрлаштыруу, онкологиялык, пульмонологиялык, трансплантологиялык жана анестезиологиялык жардамды жакшыртуу, гемодиализ, мобильдик клиникалар, лицензиялоону жеңилдетүү жана дарыгерлерди окутуу маселелери талкууланды.
Көпчүлүк сунуштар кадрдык маселелерге байланыштуу болду. Иш-чарага катышкандар кыргыз дарыгерлерин окутууга, стажировкаларды уюштурууга, лекциялар өткөрүүгө жана эксперттик докладдар менен чыгууга, ошондой эле операциялар жана мастер-класстар үчүн профессорлорду тартууга даяр экендиктерин билдиришти. Жыйындын жүрүшүндө адистердин Кыргызстанга кайтып келүүсүнө жана профессионалдык долбоорлорго катышуусуна шарт түзүү маселелери да талкууланды.
Сүрөт www
