Жолугушуунун жүрүшүндө адистер эл аралык клиникалардагы тажрыйбалары менен бөлүшүп, Кыргызстандагы саламаттык сактоо системасын жакшыртуу үчүн идеяларын сунушташты. Заманауи медициналык технологияларды, мисалы, бронхоскопия жана NGS-диагностика, ошондой эле онкология, пульмонология, трансплантология жана анестезиология тармактарындагы жакшыртуулар боюнча суроолор талкууланды. Уюштуруучулар гемодиализ, мобилдик клиникалар жана врачтар үчүн лицензиялоо жана окутуу процессин жөнөкөйлөтүү темаларын да козгошту.
Көпчүлүк катышуучулардын сунуштарынын арасында кадр маселелерине негизги көңүл бурулду. Катышуучулар кыргыз врачтарын окутууга жардам берүүгө, стажировкаларды уюштурууга, лекциялар жана эксперттик докладдар өткөрүүгө, ошондой эле операцияларды жана мастер-класстарды өткөрүү үчүн профессорлорду тартууга даяр экендиктерин билдиришти.
Министрдин орун басарлары министрлик чет өлкөдөгү адистер менен кызматташууну жергиликтүү саламаттык сактоо системасын өнүктүрүү үчүн маанилүү ресурс катары карап, тажрыйба алмашуу үчүн шарттарды системалуу түрдө түзө тургандыгын белгилешти. Ошондой эле кыргыз врачтары көп топтолгон өлкөлөрдө онлайн жана офлайн жолугушууларды өткөрүү пландары, Миррахимов окууларына катышуу мүмкүнчүлүгү жана санариптештирүү жана кадр камсыздоо реформалары талкууланды.
Акырында, Бакытбек Кадыралиев мамлекет чет өлкөлөрдө иштеп жаткан мекендештер менен профессионалдык байланыштарды сактоого кызыкдар экенин баса белгиледи.
Мындай жолугушууларды туруктуу өткөрүү пландалууда.
