Депутат Эркеайым Сейтказиева шаарда дагы эле мыйзамсыз курулган имараттар бар экенин, алар амнистиянын алкагында мыйзамдаштырылбаганын белгиледи. Ал ошондой эле, алардын бир бөлүгү эски жалпы пландын негизинде коргоо зоналарында жайгашканын баса белгиледи. Ошондуктан, ал жаңы генплан долбоорунда коргоо зоналары өзгөртүлгөнбү жана укук негиздөөчү документтери жок мындай объектилердин тагдыры кандай чечилери боюнча суроо берди.
Бишкек шаарынын вице-мэри Азамат Кадыров каралып жаткан имараттар амнистия жөнүндө мыйзамдын алкагында экенин түшүндүрдү. Ал бул жер тилкелери аныкталбаган зоналарга тиешелүү экенин кошумчалады. "Сиздерге белгилүү болгондой, президенттин жарлыгы боюнча атайын комиссия түзүлгөн. Бул объектилерге байланыштуу маселелер жалпы план менен эмес, так ушул амнистия жөнүндө мыйзам менен жөнгө салынат", - деп тактады ал.
