Ведомствонун маалыматы боюнча, ЕЭКтин өкүлдөрү, Евразия экономикалык биримдигине мүчө мамлекеттердин ыйгарым укуктуу органдарынын өкүлдөрү, ошондой эле Кыргызстандан бизнесмендер жана электрондук соода платформаларынын өкүлдөрү катышкан жыйында пайда болгон көйгөйлөрдү активдүү талкуулоо жүргүзүлдү.
Жумуштун натыйжасында кыргыз сатуучүлөрдүн товарларын ЕАЭБдин башка өлкөсүндөгү электрондук соода платформасынын складдарына жылдыруу модели макулдашылды, бул товарларды физикалык жактарга сатуу учурунда менчик укугун өткөрүп бербестен жүргүзүлөт. Бул модель орус ыйгарым укуктуу органдары тарабынан колдоо тапты жана товарларды жылдырууда мурдагы кыйынчылыктарды жоюуга мүмкүндүк берет.
Макулдашылган модель боюнча, товарларды жылдыруу үчүн эки негизги товар коштоочу документти: CMR жана товар-транспорт накладнаясын (ТТН) толтуруу талап кылынат. Бул документтерди толтуруу тартибин түшүндүрүү үчүн жакын арада Кыргыз Республикасынын экономика жана соода министрлигинде Wildberries өкүлдөрүнүн катышуусунда маалыматтык семинар өткөрүү пландалууда. Семинарды өткөрүүнүн күнү жана жери кийинчерээк жарыяланат.
ЕЭК кеңеши абалды мониторингдөөнү улантууну жана өз ара электрондук соода процессинде пайда болгон көйгөйлөр тууралуу дароо маалымдоону тапшырды.
