Брызгалова акыркы он жылда мектеп окуучуларынын саны кескин көбөйгөнүн белгиледи. «2015-жылы Кыргызстанда 1 миллион 43 миң бала билим алган, азыр болсо алардын саны 1 миллион 536 миңге жетти. Ошол эле учурда, мугалимдердин саны да көбөйүп, учурда 93,6 миңди түзүүдө», — деп кошумчалады ал.
Салыштырып көрсөткөндө, 2023-жылдын майында мектептерде 698 мугалим жетишпей турган, 2024-жылдын майында бул сан 894кө жеткен, ал убакта 12 жылдык билим берүү системасы дагы киргизилген эмес. 2025-жылдын майында 850 педагог жетишпей турганын Брызгалова тактады.
Кадрдык абалды жакшыртуу үчүн автоматташтырылган маалыматтык система «Мугалим» аркылуу билим берүү мекемелеринде вакансиялар жайгаштырылууда. Келгендер катталып, жумуш таба алышат.
«2026-жылдын январь айында мамлекеттик жана муниципалдык мектептерде 761 мугалим жетишпейт. Физика, математика, химия жана биология предметтери боюнча мугалимдердин жетишпеши эң катуу сезилет. Айрыкча, Чүй облусунда жана Бишкекте калктын жыштыгына байланыштуу эң чоң муктаждык байкалууда», — деп жыйынтыктады Ольга Брызгалова.
