Анын айтымында, көрүстөндөрдү рекультивациялоо иштеринин алкагында, ар бир кабырды ачардан мурун атайын препарат менен иштетүү жүргүзүлөт.
«Кечээ көчүрүү иштерине башталды. Рекультивациялоо учурунда 50 сөөк алынды. Бүгүн иштер уланууда. Алынган сөөктөр ошол эле көрүстөндүн башка жагына көчүрүлүүдө. Бардык санитардык талаптар сакталууда, терс кесепеттерден качуу үчүн», - деди Барчынбек Таныров.
Учурда көчүрүү белгиленген тартипте жүргүзүлүүдө.
Мурда маалымдалгандай, өткөн жылы Алымбек-датка көчөсү резиденциядан борбордук аянтка чейин асфальтталган, быйыл асфальт толук төшөлөт — борбордук аянттан А.Навои көчөсүнө чейин.
Расмий маалыматтар боюнча, Ош шаарында 49 көрүстөн бар, алардын 14ү жабылган, 35и болсо пайдаланууда.
Turmush мурда жазган, Ош шаарында пайдаланылбай калган көрүстөндөрдү рекультивациялоо пландалууда, андан кийин алардын ордуна көп кабаттуу турак үйлөр курулат.
Муниципалитеттин маалыматына ылайык, рекультивацияланган «Хохлово» көрүстөнү 40 жылдан бери пайдаланылбай келген. Анын базардагы баасы 20 миллион доллар деп бааланган.
Учурда Ош шаарында 50 көрүстөн бар. Алардын 15и жабылган, 5и болсо рекультивацияланган. Рекультивацияланган участкаларды максаттуу пайдалануу боюнча тиешелүү тапшырмалар берилген. Эски көрүстөндөрдүн ордуна көп кабаттуу үйлөрдү куруу мүмкүнчүлүгү каралууда.
Мурда шаар четинде 13 гектар 60 соток жерди ээлеген жаңы көрүстөн ачылган. Бул шаар ичинде эски көрүстөндөрдү көчүрүү жана жабууга жардам берет.
