Эми жумуш берүүчүлөр федералдык чектөөлөр киргизилген учурда гана эмес, ошондой эле регионалдык бийликтин кабыл алган чечимдеринин негизинде мигранттар менен эмгек мамилелерин мыйзамдуу түрдө токтото алышат. Бул белгилүү бир тармактарда чет өлкөлүк жумуш күчүн пайдаланууга тыюу салууларга тиешелүү.
Мурда мындай чектөөлөр, мисалы, Москва облусу, Краснодар крайы, Новгород жана Нижегород облустары сыяктуу аймактарда күчүндө болгон. Бул жерлерде жергиликтүү мыйзамдар патент боюнча иштеген чет өлкөлүк жарандарды бир катар кесиптик чөйрөлөрдө жумушка алуу боюнча тыюу салган.
Жумуш берүүчүлөр бул эрежелерди бузгандыгы үчүн 1 миллион рублга чейин айыппулга же ишмердүүлүктү убактылуу токтотууга дуушар болушкан, ал эми мындай жумушчуларды жумуштан чыгаруу мыйзамсыз деп табылышы мүмкүн эле. Жаңы мыйзамдагы өзгөртүүлөр бул белгисиздикти жоюп, жумуш берүүчүлөрдүн көрсөтүлгөн жагдайларда эмгек келишимдерин токтотуу укугун бекемдейт.
