Эксперт эки негизги факторду белгиледи: биринчи — миграция эрежелеринин катаалдашышы, экинчи — чет элдик жумушчуларга болгон муктаждыктын төмөндөшү. Чет элдик адистер курулуштарда болсо да, алардын саны регионго жараша өзгөрүп турат: Сибирде алар аз, Россиянын борбордук бөлүгүндө — көбүрөөк. Учурда курулуштардагы жумушчу күчүнүн 80 проценти Россиянын жарандары, ал эми мурда бул көрсөткүч болжол менен 70 процентти түзгөн.
Глушков чет элдик жумушчулардын көбү Өзбекстандан жана Тажикстандан келгенин белгиледи. Ошол эле учурда Индиядан келген жумушчулардын санынын өсүшү байкалууда.
«Акыркы жылдары Өзбекстанга болгон жылыш байкалууда, ал эми тажик жумушчуларынын саны курулушта азайып жатат. Бирок Индия жана Пакистан сыяктуу жаңы базарлар бул тармакка активдүү кирип жатышат, айрыкча айыл чарба, жеңил өнөр жай жана курулуш тармагында», — деп кошумчалады ал.
