«Адистер авиабазанын учурдагы иштөө шарттары түштүк тараптан келип жаткан коркунучтардан коргоо үчүн жетиштүү деген жыйынтыкка келишти», — деди Вакунов.
Анын айтымында, Кыргызстанда жайгашкан россиялык аскерлер өз милдеттерин натыйжалуу аткарышууда, анын ичинде терроризм, экстремизм, наркотрафик жана уюшкан кылмыштуулукка каршы жергиликтүү күч структураларына жардам көрсөтүү. Алар ошондой эле ОДКБнын башка мүчө мамлекеттери менен биргелешкен машыгууларга катышууда. Мисалы, өткөн жылдын сентябрь айында алар Ысык-Көл облусунда өткөн «Рубеж-2025» командалык-штабдык машыгууларында активдүү катышышкан.
Сергей Вакунов Россия авиабазаны заманбап курал-жарак, техника жана жабдуулар менен камсыздоону уланта берерин кошумчалады.
Ал ошондой эле Кант жана Караколдогу бириккен россиялык авиабаза 20 жылдан ашык убакыт мурун, Кыргызстанга эл аралык террорчулар Афганистандан кол салып жаткан татаал мезгилде өлкө жетекчилигинин өтүнүчүнө жооп катары түзүлгөнүн эске салды. Ошондон бери база республикадагы коопсуздукту камсыздоодо жана ОДКБнын тез арада жайгаштырылуучу күчтөрүн региондо колдоодо маанилүү роль ойнойт.
