ТИМ виза үчүн алдын ала төлөм жок экенин жана эч ким визаны алуу кепилдик бере албай турганын катуу эскертет. Төлөм интервьюдан өткөндөн кийин жана Бишкектеги элчиликтин расмий шилтемеси аркылуу гана мүмкүн.
Министрлик берген маалыматка ылайык, B1/B2 категориясындагы визаны алуу үчүн, алгач АКШнын консулдук кызматкери менен интервьюдан өтүү керек. Эгер кызматкер оң чечим кабыл алса, арыз берүүчү I-352 формасын толтуруп, финансылык кепилдикти расмий онлайн платформа Pay.gov аркылуу берүү боюнча макулдугун билдириши керек», — деп түшүндүрүштү министрликтен.
Ведомстводон ошондой эле кепилдик төлөмдүн өлчөмү интервьюдан кийин консулдук кызматкер тарабынан белгиленерин жана $5 миңден $15 миңге чейин өзгөрүп турушу мүмкүн экенин кошумчалашты. Эскертип кетсек, иммиграциялык статус өзгөргөндө же АКШда болуу мөөнөтү ашкан учурда кепилдик кайтарылбайт.
