Бул иште комплаенттүүлүк бейтаптын дарыгердин көрсөтмөлөрүнө, анын ичинде дары-дармек менен дарыланууга, баш ийүүгө даярдыгы катары каралат. Бейтаптын терапия процессине активдүү катышуусу анын мотивациясынан, оорунун маалымдуулугунан, психоэмоционалдык абалынан жана социалдык факторлордон көз каранды экенина басым жасалган.
Изилдөөнүн максаты акне жана розацеа менен жабыркаган бейтаптарда комплаенттүүлүктүн заманбап баалоо ыкмаларын сүрөттөө болгон. Иш процессинде атайын шкалалар жана анкета, ошондой эле терапияга берилишти жогорулатуу үчүн практикалык инструменттер, анын ичинде жеке консультациялар, эскертүүлөр жана сүрөттөр, слайддар жана видеолор сыяктуу визуалдык материалдар колдонулган, аларды бейтаптарга WhatsApp мессенджери аркылуу жөнөтүүгө болот.
Автордун айтымында, комплаенттүүлүктү изилдөө интердисциплинардык мамилени жана медициналык жана психологиялык адистердин кызматташтыгын талап кылат. Дарыгердин көрсөтмөлөрүн аткаруу дарылоонун натыйжалуулугуна гана эмес, анын экономикалык аспекттерине да таасир этет.
Жыйынтыктап айтканда, комплаенттүүлүк ийгиликтүү дарылоонун маанилүү элемент экендиги жана психологиялык, билим берүүчү жана уюштуруу чараларын камтыган комплекстүү мамилени талап кылары белгиленет.
Башкы беттеги сүрөт иллюстративдик: istockphoto.com.
