Их ою боюнча, ата-энелери ажырашкан үй-бүлөлөрдө экинчи ата-эненин макулдугун алуу кыйынчылыктары көп кездешет.
Биринчи окууда «Кыргыз Республикасынын «Чет өлкө миграциясы жөнүндө» мыйзамына өзгөртүү киргизүү тууралуу» мыйзам долбоору Эл аралык иштер, коргоо, коопсуздук жана миграция боюнча комитеттин жыйынында каралды.
Мыйзам долбоору тууралуу маалыматты Президенттин иш башкаруучусунун орун басары Алмаз Раимбеков сунуштады.
Ал бул мыйзам долбоорун иштеп чыгуунун максаты — 16 жашка толо элек жарандар үчүн жалпы жарандык паспортту алуу процессин жеңилдетүү экенин белгиледи.
Анын айтымында, бул документтин кабыл алынышы балдардын укуктарын натыйжалуу коргоого жана үй-бүлөлөр үчүн керексиз кыйынчылыктарды жоюуга мүмкүндүк берет.
Жыйында депутат Жылдыз Садырбаева баланы чет өлкөгө чыгаруу үчүн ыйгарым укуу берүү тууралуу маселени көтөрдү.
Ал ата-энелердин макулдугун алуу үчүн так механизмди орнотуу маанилүү экенин баса белгиледи, бул паспорт берүү үчүн гана эмес, баланын чыгышы үчүн да керек.
Депутат Чолпон Эсенаманова дагы ата-энелердин бири тарабынан чек араны кесип өтүүгө макулдукту берүү мүмкүнчүлүгүнүн маанилүүлүгүнө көңүл бурду.
Анын айтымында, ата-энелери ажырашкан үй-бүлөлөрдө экинчи ата-эненин макулдугун алуу кыйын.
Депутат Гуля Кожокулова да ушул көйгөйгө көңүл бурду.
«Бир ата-эненин макулдугу жалпы жарандык паспортту алуу үчүн талап кылынса да, чыгуу үчүн экөө тең макул болушу керек. Ошентип, биз уруксат беребиз, бирок бир убакта тыюу салабыз», — деп белгиледи депутат.
